Jaamacada Beledwein University Waa Astaanta Horumarka Gobolka iyo Hanaqaadka Cilmiga Reer Hiiraan (Hoosta Ka Daawo Sawiro Badan )

 

Waa Markii ugu horeysay taariikhda ee ay Jaamacad yeelato Magaalada

Taariikhiga ah Ee B/weyne iyo guud ahaanba Gobolka Hiiraan Jaamacadan oo ay

Fekerkeeda lahaayeen Aqoonyahano Xilkas ah oo u dhashay gobolka Hiiraan

Ayaa maanta waxa ay Mareysaa Heerkii koowaad iyadoona la filayo in Mustaqbalka dhow

Ka mid noqon doonto Jaamacadaha Waaweyn ee ka jira Wadanka Maadaama uu

Gobolka Hiiraan Caan ku yahay ilbaxnimada wax barasho uuna ka mid yahay meelaha ugu Papulation ka ama dadka badan gobollada Somaliya Hadaba Jaamacadda  Beledwein University  oo ku taal Galbeedka Magaalda B/weyne Ayaa waxay ka kooban tahay Sadax Kulliyadood oo kala ah

1. Kulliyada   Shareecada islaamka

2. Kulliyada   Waxbarashada

3. Kulliyada   Maamulka iyo Dhaqaalaha

Jaamacadda oo Shaqeysa labada Gelin ee Maalinta ayaa Waxaa ilaa hada si rasmi ah u Dhigta Arday boqol ku dhow dhow iyadoona ay socoto qorista ardayda ku Dhowaad maalin kasta

Hadii uu talaabo fiican hore u qaado isku daygan wanaagsan waxaa la rajeynayaa in Ay jiilal kaamil ah ka qalin jebin doonaan Kulliyadaha kala gedisan ee Beledwein University 

Dhinaca kale waxaa gobolka ka socday tobankii sano ee la soo dhaafay olole wax Barasho oo aan caadi aheyn taasoo dhalisay Baahida ah in la helo Jaamacad uu gaar u leeyahay

Gobolka Hiiraan Sidaas daraadeed ayay Maamulka iyo Aas aasayaasha Jaamacada Beledwein University  iyo waliba wax garadka reer hiiraan baaq ugu direen dhamaan Soomaalida jecel Horumarka Cilmiga iyo wax barashada

Gaar ahaan dadka ka soo jeeda  Gobolka Hiiraan in ay ka qeyb qaataan Guuleysashada Mashruucan Curdanka Ah qof walbana waa in uu ka qaataa waxa uu isaga Awoodo ayuu yiri Madaxa Xiriirka guud Ee Jaamacada Ustaad Maxamad Muuse oo Saxaafada La hadlayay

buqaqable@yahoo.com

buqaqable@windowslive.com