Xaflad qalin jabin oo si heer sare ah loo Soo agaasimay ayna ka Qeybgaleen ku Dhawaad 117 arday laguna Gudoonsiinayay
Shahaadooyin ayaa ururka Dhalinyarada ee kanava ku qabteen Magaalada B/weyne ee xarunta Gobolka Hiiraan.
Munaasabadaan qalin jabinta ah ayaa Waxaa ka soo qeyb galay mas’uuliyiinta ka tirsan
Maxkamadaha Islaamka Gobolka Hiiraan odayaasha dhaqanka Maamulayaasha dugsiyada waxbarashada gobolka iyo ururada bulshada rayidka ah.
Ugu horeyn waxaa halkaasi ka hadlay Gudoomiyaha xarunta ururka dhaliyarda ee kanava Max’ed Axmed Faarax (saney) oo ugu horeyn waxbixin ka bixiyay xarunta iyo wax-qabdkeeda waxuuna sheegay in Xarunta ay tahay meel hormarinta dhalinyarada iyo wacyi galintooda loogu talo galay,sida dhalinyarada Buufiska qabta ee tahriibka u heelan
Sidoo kale waxaa uu tilmaamay in ay tahay goob xirfada loogu abuuro dhalinyarada aan lahayn aqoonta Taasoo ay ku shaqeysan karan, waxaana uu intaasu ku daray in mar walba ay u taagan tahay xaruntu sidii loo soo saari lahaa dhalin leh xirfad wax tar u ah mustaqbalkooda.
Sidoo kale max’ed saney waxaa uu intaasi raaciyay in 7dii bilood ee ugu dambeysay ee ay xaruntu furneyd Ay wax ka baran jireen ku dhawaad in ka badan 300 oo arday balse dagaaladii ka dhacay gobolka ay taasi Nusqaamiyeen 117da haatan qalin jibinayana ay yihiin kuwii ka haray ardayda oo u soo xusul duubtay in Ay dhameystaan yoolkooda waxbarasho.
Mas’uuliyinta munaasabada ka hadashay waxaa ka mid ahaa sarkaal ka tirsan maamulka maxkamadaha Islaamka ee gobolka oo la yiraahdo shiikh c/laahi farey waxuuna marka hore amaan u soo jeediyey Xarunta kanava iyo maamulkeeda waxuuna ka codsaday dadaalka ay u galeen in ay soo saaraan arday Dhalinyaro ah oo intaasi la eg in ay sii labo laabaan si loo helo dad wax yaqaano oo ka qeyb qaato Maamulka dalka.
Dr. Axmed Dhaqane Cali oo ah madaxa Dugsiyada gobolka oo isna lagu casuumay xaflada hadalo qiiro lehna ka soo jeediyay ayaa sheegay in Kanava ay taariiq lama ilaabaan ah ay ku soo kordhisay Waxbarashada gobolka isagoo si gaar ah farta ugu fiiqay madaxa xarunta kanava oo uu sheegay in Xarunta intii ay jirtay ardaydu wax ku baranayeen lacag la’aan taasina uu dadaalkeeda lahaa isagu.
Ka sakow hambalyada iyo mahad celinta loo jeedinayo ururkan Kanava ayaa waxaa dadbadani is weydiin karaan waxa uu yhay ururkan kanava iyo waxa uu qabto?, ardayda ka qalin jibisay xarunta ayaa waxaa ay ka barteen qeybaha Computerka sida Software,Hardware iyo waliba (xog-haynimada)
Sidoo kale Kanava waa NGO maxali ah oo ka shaqeeyo arrimaha dhalinyarada iyo shaqo u abuuristooda Gaar ahaan kuwa aan lahayn aqoonta iyo xirfado intuba waxaa sidoo kale xaruntu ka shaqeysaa dhinaca isbortiga oo ah is dhaxgalka dhalinta isagoo noqonayo NGOgii ugu horeeyay ee ku guuleysta in uu soo saaro dhalinyaro intaasi la eg oo wax taqaano.
Source;Al-Maxaalim.com
Filed under: "somalia, Buqaqable Tagged: | "somalia, Buqaqable
