• RSS Somali VOA

    • Madaxweynaha oo Booqday Hiiraan iyo Galguduud October 23, 2014
      Madaxweynaha Soomaaliya Xasan Sheekh Maxamuud ayaa maanta booqasho lama filaan ah ku tagay magaaloyinka Ceelbuur iyo Beledweyne ee Gobolada Galguduud iyo Hiiraan.
    • Warar Cusub oo ka soo Baxaya Weerarkii Canada October 23, 2014
      Wararka laga helayo dalka Canada ayaa sheegaya in ninkii weerarka geystay ee la dilay oo lagu magacaabo Michael Zehaf-Bibeau uu yahay nin qaatay diinta Islaamka.
    • R/W Abdiweli oo ka Hadley Cudurka Ebola October 22, 2014
      Raiisul Wasaaraha Somalia Abdiweli Sheikh Ahmed ayaa sheegay in Midowga Afrika ay kala shaqeynayaan in si taxaddar leh loo hubiyo caafimaadka ciidamada AMISOM eek a imanaya waddamada uu sida xun u aafeeyey cudurka Ebola.
    • Maraykanka oo Baadhaya Hub u Gacan Galay ISIS October 22, 2014
      Taliska dhexe ee dalka Maraykanka ayaa sheegay in ilaa toddoba weerar oo xagga cirka ah lagu qaaday maalmihii Isniinta iyo Salaasada bartilmaameedyo ay leeyihiin dagaalyahanada ISIS
    • Kulan Wacyigelinta Ebola oo Ka Dhacay Muqdisho October 22, 2014
      Qaar ka mid ah ururada Bulshada Rayidka Soomaaliyeed ayaa kulan wacyigelin ah oo ku aadan xanuunka Ebola ku yeeshay magaalada Muqdisho
    • Pistorius oo 5 Sanno oo Xarig ah Lagu Xukumey October 21, 2014
      Xaakim u dhashey Koonfuur Africa ayaa shan sanno oo xarig ah ku xukumey orodyahanka Oscar Pistorius oo lagu heley inuu dilay gabar ay saaxiibo ahaayeen oo magaceeda la oran jirey Reeva Steenkamp.
    • Dagaal Weli ka Socda Kobani October 21, 2014
      Dagaalyhannada Kurdiyiinta iyo maliishiyaadka ISIS ayaa weli ku dagaalamaya magaalada Kobani ee dalka Syria.
    • Madaxii Shirkadda TOTAL oo Geeriyooday October 21, 2014
      Madaxii shirkadda shidaalka Faransiiska ee TOTAL ayaa geeriyooday kadib markii diyaaraddiisa khaaska ah ay isku dhaceen gaari kuwa xaaqa barafka gudaha garoon diyaaradeed oo ku yaalla magaalada Moscow.
    • Shirka Maalgashiga Afrika oo London ka Socda October 21, 2014
      Madaxweynaha Maamul-goboleedka Puntland, Dr. Cabdiwali Maxamed Cali Gaas oo shirka ka qeyb galay ayaa sheegay inuu Somalia iyo Puntland-ba shirka u matalayey, maalgashadayaashana uu u sharxay kheyraadka Somalia.
    • Qaxooti ku Noqonaya Somalia October 20, 2014
      Qaar ka mid ah Qaxootiga ku sugan Xeryaha Dhadhaab ayaa lagu wadaa in ay dib ugu laabtaan dhulkoodii hooyo. Qaxootigan ayaa iskood u door biday inay ku laabtan Gobolada ay ka yimaadeen.
    • Waa Sidee Xiriirka Ciraaq iyo J. Carabtu? October 20, 2014
      Wafdi uu heerkiisu sareeyo oo ka socda Jaamacadda Carabta ayaa Axaddi shalay la kulmay hogaamiyeyaasha dalka Ciraaq. Wafdigan ayaa muujiyey taageerada loo hayo dagaalka ay Ciraaq kula jirto ururka xagjirka ah ee ISIS.
    • Hong Kong oo Farogelin Debedeed ku eedaysay mudaharaadada October 20, 2014
      Hoggaanka mudaharaadayaasha dimoqraadiyad doonka ah ee reer Hong Kong ayaa si weyn uga horyimi hadal ka soo yeedhay hoggaamiyaha fulinta ee Hong Kong
    • Gabdho Da' yar oo lagu Qabtay dalka Jarmalka October 19, 2014
      Saddex gabdhood oo Labo Soomaali tahay, ta saddexaadna Sudan u dhalatay, kuwaas oo ku nool magaalada Denver ee dalka Maraykanka ayaa lagu qabtay magaalada Frankfurt ee dalka Jarmalka, iyaga oo midkood ay sheegtay in Turkiga waxbarasho ay u tagayeen
    • Shaqaaqooyin ka Dhacay Hiiraan October 19, 2014
      Wakiilka Midawga Afrika u qaabilsan Somalia Ambassador Maman Sidikou ayaa sheegay inuu ka xumaaday wararka ka imanaya gobolka Hiiraan kuwaas oo sheegaya in koox hubaysani ay weerareen isla markaana hor istaageen ciidamo ka tirsan AMISOM
    • Wicitaanka: Xanuunka Ebolaha iyo Soomaaliya October 19, 2014
      Barnaamijka waxaa marti ku ah Dr. Cismaan Maxamuud Axmed Xaraare oo ku taqasusay cudurrada carruuta iyo kuwa faafa oo ka jawaabaya su’aalo ku saabsan xanuunka Ebolaha oo cabsi wayn ku haya guud ahaan dunida.
    • MURANKA XEERKA GARSOONKA October 19, 2014
      Guddoomiyaha Maxkamadda Sare Caydiid Cabdullaahi Ilkaxanaf ayaa sheegay in la doonayo in Garsoorka Soomaaliya la hoos geeyo Wasaaradda Caddaaladda ee dawladda.
    • Sarkaal ka Tirsan Booliska Kenya oo la Diley October 18, 2014
      Mohamed Siraj Yarow oo ah sarkaal ka tirsanaa Laanta Dembi Baarista ee Booliska Kenya ayaa xalay lagu diley Liboi oo ka tirsan degaanka Gaarisa.
    • AU oo Baareysa Eedeymaha ka Dhanka ah AMISOM October 18, 2014
      Madaxa Guddiga Midowga Afrika Dr. Nkosazana Dlamini-Zuma, ayaa aqbashey in Somalia loo diro koox baaritaan ku soo sameysa eedeymo la xiriira tacaddiyo dhanka jinsiga oo ay geysteen xubno ka tirsan Hawlgalka (AMISOM)
    • Martida:Bashiir Ciise Cali October 18, 2014
      Barnaamijka todobaadkan waxaa marti inuugu ah Bashiir Ciise Cali, Guddoomiyaha Bangiga Dhexe ee Somalia.
    • Budhcad-badeeda iyo Filimada laga sameeyey October 17, 2014
      Qaar ka mida Shaleemooyinka ama goobaha lagu daawado filimada oo ku kala yaallo gobollo kala duwan oo dalka Maraykanka ah ayaa baahinaya filim laga metelay budhcad badeeda Soomaalida, kaas oo jilidiisa ay ka qayb qaadanayaan dhalinyaro Soomaali ah iyo kuwo ajnebi ahiba.
  • Soo Raac

  • Sawiro Xusuus Leh

    More Photos
  • Enter your email address to subscribe to this blog and receive notifications of new posts by email.

    Join 44 other followers

  • your IP adress

    IP address
  • Archives

Hadraawi Dhulgariir Gabay


                      hadrawi-1.gif

Axmedow nin dheeraad sitoo dhiibsan baad tahay
Tukalaad u dhaaftaa kolkaad dhaliso tii roone
Dhalintii caleemaha lahayd waygu dheertahay
Dhawr iyo shan dhawr iyo haddana dahwrarba jiraa
Haddaan beegsi kala soo dhexbaxay, tooda meel dhigay
Labadii dhallaanimo lahayd ways dhar urisaa
Berberaawi dhuub iyo ka dhuub waysu dhurannaa
Ilhaamay dhiggaagiyo hablaha dhuude falanqee
Hadduu dhaguxu kala hayb tirsado dheemman baad tahay
Suugaantu waa dhaqan haddana waa sud iyo dhiib
Dhidib iyo lud bay leedihiyo dhaabad iyo meel
Dhuuxuu ka eegaa ninkii dhilan yaqaanaaye
Qofba waa dhankuu ka arko iyo meesha uu dhigo
Dadka dhiiri iyo qawl sanbaa lagu dhacsiiyaa
Sida loo dhahaabu khalqigu ugu dhegtaagaa
Dhunkaal iyo xajiin lama marshiyo dhuumatiyo sheel
Sida dhuuni qaataha murtida looma dheehtiro
Dhiidhiga nin laasimay hadduu dheegto waa halis
Dheeldheelligaa laga jiraa waa la dherersha
Dhexrooriyo waxa lagu hojaa weliba dhaad dhaad
Dhoomaha waxaa laga xushaa teeda dhumucweyn.
Hadalkana nin yidhi waa dhigaa siidhehbaa dilay
Inaan dhaabadeeyaan rabaa dhawr kal dabadeed
Dhaxalkeeda nimankii lahaa way dhebaandhebi
Iyagaa dharaarba intaan dhaafay sii odhan
Gabaygani dhambaal buu sidaa waayo soo dhaxay
Dhulgariirna waa kii la baxay dhalashadiisii
Dhawdhawda qaadkiyo ka culus dhaan wadaa yidhi
Kana dheer is yeelyeelka iyo ii dheh iyo faan
Qof dhabcaala mooyee nin kale waw dhadhamayaa
Xaajada halkaasaan dhigoo dhaabad baw dihin
In la sii dhaqaajay rabtaa dhaygag badanley
Oo loola dhaadhaco halkay dhuux ka leedahay
Waxaa lumay dhudhumintii runtiyo dheeli tirihii
Inta samaha dhuxulayn kartaa waa dhif iyo kow
Dhalool bay isugu biirtay iyo tii dharjo ahayd
Dhulka wuu ku soo badanayaa baal ku dhooruhu
Dhan-xiiradu haddii ay maqlaan ways dhufanayaan
Sinnaantay dhaliil moodayaan tii ilaah dhigay
Dhinacay ka joogaan sharciga waa dhis foorara
Marka ay dhanaaniga gashiyo dhiibta kala guurka
Dhiillaha nin buuxshaa ma jiro dhacart jiilaal
Dhirin-dhirintu waa shay sanoo lagu dhabriiraa
Hal dhabaalahaa awgaayow tii dhamayd geliye
Hays dhigan nin nooloow hiddadu waysu dhimataa
Hadalkana nin yidhi wa dhigaa siidhehbaa dilay
Inaan dhaabadeeyaan rabaa dhawr kal dabadeed
Dhaxalkeeda nimankii lahaa way dhebaandhebi
Iyagaa dharaarab intaan dhaafay sii odhan.
Laan dharab ka toostiyo hibooy dhool cas baad tahay
Dhalankaagu waa luulka iyo dhirahay yaaquu
Malaa roob la dhaca waad taqaan dhiinka jookha leh
Dhalankiisa shaygaa gobta ah waad u dhigantaaye
Dhibic iyo cadceed looshan iyo dheel gu’baad tahay
Qurux iyo dheg baad leedihiyo dhaabad iyo sees,
Dherer iyo laf baad leedihiyo dhaygag iyo yaab
Dhebi heeg u baxay baad ka tahay dhoobo jiifyada
Dhul fog baad ka laacdaa sidii dheenta laalida
Ruuxii ku dhawraa si buu kuugu dhegayaa
Dhabeelnimana way kugu jirtaa dhab iyo misaan
Dhiidhiibsigaagiyo haddana dhuda wanaagaaga
Dheehaaga maahee shishaad dhuux u leedahaye,
Dhulka lagama soo qodin dadkee aadan baa dhalay
Adiga iyo hablaa dhinaca kale waysu dhigantaan
Dhud qudhaa ka wadda beeranteen dhaadashada guud
Dhab-dhab baad ku kala leexateen adiyo joog-dheer
Dhawaweylanka waxa kuugu wacan amase dhoohnaanta
Dhab-darrooyinkoodaa qalbigu dhaawac dumayaa
Dhimir bay ku sareen dabool baali kaa dhigay
Dhafoor taabadkoodaa qod-qoday dhabannadaadiiye
Dhaqaaq joogsiggaagiyo wejiga dhaxanta saar-saaran
Dhadhansiga dareenkaa ka culus buuro soo dhacay
Intaad adigu dhiilaysan tahay taydu waa dhicis.
Hadalkana nin yidhi wa dhigaa siidhehbaa dilay
Inaan dhaabadeeyaan rabaa dhawr kal dabadeed
Dhaxalkeeda nimankii lahaa way dhebaandhebi
Iyagaa dharaarab intaan dhaafay sii odhan.
Dhaf dhaf iyo hal hays beena baa soo dhab dhabateene
Dhugatiyo cad xaaraan ah iyo dhoohan may cunin
Dhamaas lagu takooriyo ma jirin caado dhaaf kale
Dhab cad iyo ma haysaan daliil meel la sii dhigay
Dhaqankaas canbaarayanayaa saaray dhiillada
Labadii hiyiga dheehi jirey way ka dheertahay
Weligood dhibaadada aduun looma soo dhixin
Dhaan dhaano maahee kashaa dhooli dmood tahaye
Intii aad dhisnaydeen iyagu waa dhur sugayeen
Dhufaannimo hagooglay intaas kula dhex joogeene
Dharaar uun in waa kale beryey dhawrayeen abide
Dhegahay intaas la hadlayeen waa dhab may odhan
Dhibaatadana way eegayeen dhaayihii jirey
Cishaday dhanaan tahay haddii laysu dholol fayto
Dhab u dirirka waa lagu yiqiin dhaanto iyo shiishe
Ragg hadduu dhabiiltamo naftay dhigi yqiineene
In kastuu xiniin dhaafyuhuu dhiirinimo sheegto
Mar haddaan dhalliil lagu gudbayn dhgalsho mooyaane
Dareenkiisu wuxuu dhaadayaa hoos in loo dhigay,
Dhar-dhaarray ahaayeen intaa dheri lahaydeene
Dhaddig iyo labkoodaa ka kale dhinacyo taagnaaye
Ninka ay dhisaan baan isagu tooda dhaydhayin
Gudmahay dhabeeyeen ka badan lag iyo dheeraade
Hadday dhigan lahaayeen mid uun maalba may dhaqane
Dhaxalkiisa may soo xarayn dhogorta xoolaaye
Weligood dhalaal subag ah iyo dhaashi may heline
Dhay iyo karuur labada wel dhoosha may geline
Hadday dhami lahaayeen miduun dhiilba may tolanne
Dhegahooda maag baa qabsaday shayna may dhimine
Sibaa loo dhaliilaa haddana ruuxna may dhibine
Dhuyaal iyo kudaal bay damceen dhiigna may galine
Dhulka waa ka sii guuraayaan ruuxna may dhicine
Dhoof bay ku daasteen inay sibiq dhaqaaqaane
Dhalashada nay dooriyaan bay u dhowdahay
Dhagar inay galaan bay damceen dhaarse may marine
Dhaxaan ogsoonaa halyey dhuuntay keligii
Hadalkana nin yidhi wa dhigaa siidhehbaa dilay
Inaan dhaabadeeyaan rabaa dhawr kal dabadeed
Dhaxalkeeda nimankii lahaa way dhebaandhebi
Iyagaa dharaarab intaan dhaafay sii odhan.
Godka dhidarka beelaha qotow dhowr kal baa hadhaye
Hadduu dhiillo leeyahay dulmigu waad ka dheregteene
Intaad weel manno ah dhaamiseen waa dheg weyntahaye
Dhanihii bad weyntiyo yuryuran waydinkiii dhuraye
Ulihii dharkaynkiyo cayada waydinkii dhilaye
Dhamacdiyo dabkaad quudateen maahadhalanteede
Dhayl maaha maalmaha intaad guulo dhigateene
Sabirkiina dheer iyo xaqaa tiina soo dhicine,
Adduunyada ninkii dhalad yaqaan   waw dhab tiriyaaye
Dhibaatiyo waxaa lagu yaqaan teeda dhinac taale
Markaasay is dhaaf dhaasiaa\ labada dhoomoode
Meel dhowna wuu kula kulmaa kay ka dheertahaye
Meel dheerna way kala taagan kay ku dhowdahaye
Nin xaqiina meel hoos dhigay tiisu waa dhedo,
Xumaantana wanaag baa dhaxlee wayda haw dhimane
Naftu dhaaba dhaabaha hiyiga way ku dhacantaaye
Kol haddii dhabbada loo qorqoro way ku dhilantaaye,
Mar haddii qalbiga ciil dhufasado dhaaftay taladiiye
Sidxa dhooddi meerkii taleex haw dhaqaaqina
Dhirbaaxooyinkii quudhsigaa dhuunta yuurura’e
Haddii dhagar inaad gaysataan laabtu dhigi waydo
Sidaad dhaab u soofaysateen haw dhabaynina
Cishadaad wax dhiilayn kartaan dhaafa tii culus
Dhanka eebahay xiga adduun wayska dhalanteede.
Hadalkana nin yidhi waa dhigaa siidheh baa dilay
Inaan dhaabbadeeyaan rabaa dhawr kal dabadeed
Dhaxalkeeda nimankii lahaa way dhebaan-dhebi
Iyagaa dharaaraba intaan dhaafay sii odhan.
Dhab dhabluhu markuu yimi arlada may dhammayn talo
Waatay dhufaannadu khalqiga soo dhex geliyeen
Waa kii dhammaastiyo falkiyo keenay dhallanteede
Waa kii dhibaabada la yimi dheegga dheegaha
Waa kii dhufaysyada qotee dhoombir soo rogaye
Maatay dhankaas iyo dhankaas baahday dhiilladu
Markay dhabaqday waa kii shacbigu soo dhalaashadaye
Waataad dhadhaabtiyo budkiyo dhagaxa boobteene
Gobannimada waa tii dhagdhago dhaanto loo tumaye
Dharaartaana waad wada jirteed dhiiftu kululayde
Waa loo dhammaa maalmihii laysu dhaarsadaye
Hayeeshee ma sii dhugan caqligu teeda dhinac tiille
Dhiilladu halkay weeran tahay looma faal-dhigine
Waa tii la dhaawacay markay dhalatay guushiiye
Weligeed dhan baa qaawanaa dhidibadeediiye
Xaajadu intay dhowdahay dhaymo leedahaye
Shinkeedii markay dhaaftay bay keentay dhabandheebe
Dhab-darro uma tgoosine nabsigu wuu dharaarsadaye,
Dhacan baa la saaraa halkuu eel ka dhowdahaye
Markaasay dhurwaagiyo colkiyo dhawrta celisaa
Nin dhug lihiba wuu garanayaa suul dhabaalaha
Dhabbadaad u xaadheen ninkii soo dhus layn jiraye
Dhextaalkeeda goortuu hubsaday soo dhabacateeye
Dhalliilaha markuu sahansaduu meel ka soo dhacaye
Dhawaaq toosiyow baxay lugtii dhaaftay jeeniga
Waa kaas dhaqaaliyo hub iyo dhoof u soo helay
Dhuxul hoos ka nool iyo dabbaa soo dhabiib kici
Dhacadiidka xaajada gashiyo dhabano hayskeeda
Markii aan dhab deyey baan is idhi dhacanta sii saare
Af dhabaan-dhabkeedii haddana waan ku dhiiradaye
Dhanbaalkii digiintaan is idhi caawa yuu dhixine,
Dheehda rashiidow mar baan neefka loo dhigine
Magaceeda oo laba kordhaban yey dhawelantaa
Marka dhiilka lala hoos galay meelo dhugtaaye,
Ummadyahay dhabbaa loo hadlaa waa is dhigateene
Dulmigii lafaa dhuuxaybaad dib-u-dhar-dhaarteene
Ummad baad xaqeedii dhammaa dhababka saarteen
Gunaadkii naftii weli ma dhigin waase dhiig baxaye
Garaadkiinu waa dhaafsan yahay dhiilka buuxsamaye
Maantana waxaa idin dhex taal tii dib loo dhigaye
Caaway u dhowdahay haddaa dhugasho siisaane
Haddaan dhaymo loo helin xujada mooyi tii dhici.
Hadalkana nin yidhi waa dhigaa siidheh baa dilay
Inaan dhaabbadeeyaan rabaa dhawr kal dabadeed
Dhaxalkeeda nimankii lahaa way dhebaan-dhebi
Iyagaa dharaaraba intaan dhaafay sii odhan.
Dhillow yahaynku waa geed ka baxa dhuunta geed kale’e
Iminkuu dhabbada soo hayaa dhaankii reer Yurube
Nin kaastoo is dhoob-dhoobi jiray dhigaha loo laabye
Dheweraad hadday kala lahayd laysu soo dhuraye
Markii dhuuni loo rogay arlada dhoorku wada daalye
Dhalliinyaradu way dayriyeen dhalashadoodiiye
Waa taa ninkii dhowrsanaa qaad ku soo dhacaye
Waa taa dhabeeshii hiddaha dhaylo loo dubaye
Dhuuq-dhuuqlayaashii batiyo heen dhalaashuhu
Dheribay wada foortaa diidan dhaqankii
Dhaddigiyo labkeedii waqtigudhaal isugu keen
Ummaddii dhiraa kala lahayd ways dhex hurudda
Dheg dhegiyo lafaa dhuubtay iyo dhogor xumaantooda
Qaraamaad markay wada dhantaa dheehu doorasamay
Hadday dhoojo wada yeelatiyo dhiico iyo tuure
Haddii dhawrasaan lagu yiqiin dhimay hankeedii.
Dhibaatada xilkeedii horaa ugu dhabcaasheene
Maantana sidii dhagax dixeed hawgu sii dhegin
Inta shay la dhawrtiyo haddaan diinta kugu dhaarsho
Haddaan dhaar carriyo caaggan iyo dhaar cas kugu dhaarsho
Inta gabay dhaf leeyahay haddaan kaaga dhira fuulo
Haddaan dhaho haddaan dhigo haddaan weli dhiib-dhiibo
Anigoon wax kuu dhimin haddaan dhegaha kuu buuxsho
Dhaq-dhaqaaqa ma kaa iman karaa dhiillo lagu baajiyo.
Dhabtuun baa khalqigu diidayaa meesha dheer tegaye
Dhulgariirka waa laga baqaa waayo soo dhaxaye
La dhex joogi mayo arlada dheelmashow qorane
Qofba wuxuu dhigtaa baa u yaal dhiilka aakhiro
Ninkii dhiiri sheegtow is furo waa dhanaan tahaye.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 44 other followers

%d bloggers like this: